D’Hermine & ihri Termine

(Text & Musik: Stefan Heimoz)

D’Hermine het e Sach mit de Termine
zwüschyne möge d’Termine vor Hermine nümme yne

Vor Sitzig geit’s zum Wyterbildigskurs
u när zum Meeting mit em Urs
vo dört i ds Wohlfüehlseminar
u sithär geit’s so guet, ja klar
U trotz em Ämtli ir Partei
längt’s o no grad ganz schnäll für hei
me sött ja o no ga ychoufe
u rasch mit em Hung ga loufe
Nächär ds Grosi schnäll ga bsueche
u derzue no Ferie bueche
Wellness isch zwar nid dr Hit
für ds Börn-out het si gar ke Zyt

D’Hermine het es Gnusch mit de Termine
zwüschyne möge d’Termine vor Hermine nümme yne

Vom Coifför geit’s zum Stüürberater
nächär diräkt zum Psychiater
isch d’Agända mal nid voll
isch’s ihre irgendwie nid wohl
Si isch zwar niene rächt derby
oder sött scho lang gange sy
Isch si z’schnäll ungerwägs, oje
brucht’s e Schutzängel oder zwe
Zum Ässe git’s hüt us dr Dose
e Terminsalat mit Sosse
Me sött halt zwüschyne schnäll, gäll
o einisch nei chönne säge, aber äbe, aber äbe

D’Termine hei es Gnusch mit dr Hermine
wüu zwüschyne het d’Hermine für d’Termine gar ke Zyt
u d’Termine vor Hermine möge eifach...
nümme mit

 

Zurück