Dr Boum, ds Meitschi u dr Hund
(en abverheite Minnegsang)

(Text & Musik: Stefan Heimoz)

Es wunderhübsches Meitschi chunnt z’spaziere über ds Land
es wunderhübsches Meitschi chunnt z’spaziere über ds Land
es Lächle i sym Gsicht, es chlyses Hündli a dr Hand
es Lächle i sym Gsicht, es chlyses Hündli a dr Hand

Äs tänzlet über d’Weid u bim ne Boum macht äs e Halt
äs tänzlet über d’Weid u bim ne Boum macht äs e Halt
das Meitschi isch no jung, aber dr Boum dä isch uralt
ds Meitschi isch no jung, aber dr Boum isch scho uralt

I d’Rinde ritzt‘s es Härz, u i ds Härz e Name dry
i d’Rinde ritzt‘s es Härz, u i ds Härz e Name dry
das Meitschi, das bisch du, u dr Boum, das bini
das Meitschi, das bisch du, u dr Boum, das bini

I la ne Zweig la gheie für o dir es Zeiche z’gä
i la ne Zweig la gheie für o dir es Zeiche z’gä
ir Hoffnig, du würdsch ne mit dere Blüete zue dr näh
ir Hoffnig, du würdsch ne mit myre Blüete zue dr näh

Doch si versteit mi nid u schiesst dä Stäcke ihrem Hund
Si versteit mi nid u schiesst dä Stäcke ihrem Hund
dä secklet ihm grad hingernache, läck mir, isch dä dumm
dä hechlet ihm grad nache, läck mir, isch dä Hund dumm

Är chunnt zrügg zu mym Stamm u macht sys chlyne Gschäftli dra
är chunnt zrügg zu mym Stamm u macht sys chlyne Gschäftli dra
ds Meitschi das louft wyter tralalalalalala
ds Meitschi das geit wyter...

Bi mym Stamm git’s... e gälbe Teich
und.... d’Moral vo dere Gschicht:

Mängisch steisch gloub eifach im Seich!

 

Zurück