Prinzässin
(Text & Musik: Stefan Heimoz)
We du e Prinzässin wärsch
u i dym Turm würdsch stah
u di e Drache würd hüete
de wäri sofort da
o wenär tobet u macht
i würd ne ganz sicher erschla
aber s wär mer o rächt
wenär alt u fuul wär
oder grad nid da
Wüu i bi gar ke Prinz
ha kes wysses Ross
ha nume e Huufe Fähler
statt em ne Schloss
Du bisch ke Prinzässin
u i bi nid e Held
wo sech Lindwürm u Riise
mit Muet entgägestellt
derfür blyb i bi dir
solang wi du wosch
das isch alles wo zellt
Wüu i bi gar ke Prinz
ha kes wysses Ross
ha nume e Huufe Fähler
statt em ne Schloss
I bi gar ke Prinz
ke verzouberete Frösch
We mir es Müntschi gä hesch
bini ging no dä
woni bi gsi
