Di Beschti (für mi)
(Text & Musik: Stefan Heimoz)
Es git grossi, es git chlyni
es git grobi, es git fyni
es git jungi, es git alti
es git warmi, es git chalti
es git bruuni, es git bleichi
es git herti, es git weichi
es git luschtigi, s’git ödi
es git schlaui, es git blödi
es git gradi, es git chrummi
es git gschydi, es git dummi
es git stilli, es git läbigi
s’git närvigi u gäbigi
es git frächi, es git schüüchi
s’git verschideni u glychi
Aber di git’s nume einisch für mi
Du wirsch älter u blybsch jung
du steisch ufrächt u nie chrumm
blybsch di sälber u bisch ächt
machsch es sälte allne rächt
mit dir isch es fasch ging luschtig
u zwüschyne machsch mi gluschtig
du dänksch unwahrschynlech praktisch
bisch cool u sälte hektisch
du bisch witzig u nie öd
u 08/15 dünkt di blöd
nimmsch nid immer alls so tragisch
u zwüschyne bisch chli magisch
du bisch mängisch gfährlech ehrlech
u immer unbeschryblech... wyblech
U genau du bisch di Beschti (für mi)
