Nume es Lied
(Tägscht & Musig: Stefan Heimoz)
S cha dir nöii Hoffnig gä
oder alti Sorge näh
plötzlech ghörsch e Melodie
u o d Wort passe für di
Es bringt Farb i dyni Wält
u s git nüt meh, wo dir fählt
u du füehlsch di nümm ellei
oder mängisch sogar frei
I weiss gnau, es isch zwar nume es Lied
Aber all das… cha äbe würklech
nume es Lied
Villich lehrsch es Instrumänt
oder gründisch grad e Bänd
villich brichsch us allem us
oder hesch dr ganz gross Blues
S isch egal, was dir grad glingt
oder was dr Nachber fingt
es isch immer für di da
win e Brügg zum drüber ga
I weiss gnau, es isch zwar nume es Lied
Aber all das… cha äbe würklech
nume es Lied
U mängisch luegsch i Spiegel
fragsch di, was d für Tröim hesch gha
mit em ne Lied
sy si uf ds Mal wider da
I weiss gnau, es isch zwar nume es Lied
Aber all das… cha äbe würklech
nume es Lied
nume es Lied
