Parkplatzproblem

 (Tägscht & Musig: Stefan Heimoz)

Nei, itz freset dä Typ wider bis zvorderscht vüre
är heisst Anton u git gäng dr Tarif düre
santimetergnau isch är mir mit sym Charre
uf däm Parkplatz grad diräkt vor d Nase gfahre
es isch schwirig, mit däm Mönsch vernünftig z prichte
gäg ds Vüredrücke het me ke Chance mit Dichte

Läck mir, am A...
...Anton sy Charre, dä isch vil breiter
läck mir, är syg de scho no ender da gsi, seit är
läck mir, de het e Fuuscht
u di isch 3x grösser als sy Chopf
da chan i einfach nid mithalte, gopf!

Ja, uf ne Art chan is no fasch halbwägs begryffe
dass är itze plötzlech o no lut muess pfyffe
für der Frou wo grad dört steit, s isch nid zum Lache
uf sy Art e bsunders guete Ydruck z mache
si isch o dr Grund für mi i ds Absyts z zwinge
so dass i für mys Velo hie ke Platz finge

Läck mir, am (hmm...)
Anton sy Charre, dä isch vil breiter
läck mir, är syg de scho no ender da gsi, seit är
läck mir, de het e Fuuscht
u di isch 3x grösser als sy Chopf
da chan i eifach nid mithalte, gopf!

Aber so Muskelspili sy ja zum Glück äbe
nid für alli Mönsche ds Wichtigschte im Läbe

So het är de di Troumfrou doch nid übercho
wüu die fahrt nämlech gärn - Velo!

Zurück