Die, won i bewundere

 (Tägscht & Musig: Stefan Heimoz)

Die, won i bewundere, di sy bis hüt
no nie im Fernseh cho
di stöh nid ir Zytig u heisse nid "von"
aber Fräne, Jan oder so

Di stöh nid gäng zvorderscht, hei nid gäng rächt
u weis o gar nid gäng ha
di sy eifach sich u lose dir zue
oder sy ganz eifach da

Di schaffe als Pöschtler, im Altersheim,
am Bahnhofkiosk, irgendwo
u hei für das bis hüt garantiert
no nid so vil "Likes" übercho

Di sy nid so lut, nid so gross, nid so starch
u o süsch so zimli im Schnitt
grad wäge däm bin i schampar froh
u dankbar, dass es se git

Die hei no nie e Pokal, e Medaille
uf em Büechergstell gha

aber... ohni si würd di Wält blybe stah -
ohni si würd di Wält...

Zurück