Im Stadt-Land-Grabe

 (Tegscht & Musig: Stefan Heimoz)

I ga wider mal ga loufe
u stüüre vom Land uf Bärn
a beidne Orte kenn i Lüt
u alli han i gärn
Won i churz verschnuufe
lueg i i Himmel ufe...

U plötzlech... ha no grad churz gstuunet
da het ja niemer zuunet

I gheie i Stadt-Land-Grabe
...abe
U won i dunger glandet bi
frag i mi:

Sy nid d Lüt uf dr einte Syte gschyd
uf dr angere sy si schlau?
Aber i bi ganz sicher
Mönsche sys überall
Di einte di sy fit
u di angere sy zwäg
di einte finge d Strass
u di angere dr Wäg
Di einte di sy hübsch
u di angere sy schön
u überall wäit d Byse
oder grad dr Föhn

Aber plötzlech... ha no grad churz gstuunet
werum isch da nid zuunet

I purzle i Stadt-Land-Grabe
...abe
U won i dunger glandet bi
frag i mi:

Werum bruchts eigentlech Stadt-Land-Gräbe?
Äbe.

Bevor ig itz no länger grüble
über Gränze oder äbe Gräbe
wett i no säge:

Dass me nid i Stadt-Land-Grabe
abe
gheit

bruchts doch e Brügg
wo eim
drüber treit

Zurück