Ds Ändi vom Rägeboge

 (Tegscht & Musig: Stefan Heimoz)

Weisch no, denn i üsne Ferie im Graubünde
mir hätte zun ere Ruine wölle ga
u sy ändlech uf däm Hügel obe acho
di Ruine isch plötzlech nümme da
Läck, hei mir denn über üs sälber glachet
wo mir gmerkt hei, s isch dr falsch Hügel gsi
u ab u zue het de d Sunne düregschune
wo mir im Räge abeglüffe sy

Bis zum Ändi vom Rägeboge
sy mir 2 denn wyterzoge

U später am ne Bahnhof hei mer gjuflet
u im letschte Ougeblick dr falsch Zug gno
u wo mir ändlech Plätz zum Sitze gha hei
isch üs d Landschaft irgendwie angers vorcho
Da hei mir beidi üs nume so agluegt
anstatt Basel isch dä Zug drum Richtig Bärn
u vil später a däm Tag, im Bahnhofcafé
da seisch du mir, du heigsch mi ...

Bis zum Ändi vom Rägeboge
sy mir 2 denn wyterzoge

Logisch, ischs üs bis hüt nie glunge
klar, hei mir ds Ändi nie gfunge
aber was, we mir dä Wäg nie gange wäre
...bis dahäre?

Bis zum Ändi vom Rägeboge
wärde mir gäng wyterzieh
bis zum Ändi vom Rägeboge

hoffentlech finge mirs ...nie

Zurück