Wi di Grosse!

 (Tegscht & Musig: Stefan Heimoz)

Wär het Gonfi abegheit
wär het Öpfuchueche gno
wär het vom Coci gmugget
wo isch ds Sackgäld härecho?
Ha doch 100x scho gseit
dass es so eifach nid geit

Mys Chind, gopfridstutz, muesch besser lose
nimm dir es Vorbild... a de Grosse!

Tue ändlech ds Gnuusch ufruume
werum gits scho wider Stryt
muesch gar nid afa gränne
wes hüt ke Belohnig git
Ha doch 100x scho gseit
dass es so eifach nid geit

Mys Chind, gopfridstutz, muesch besser lose
nimm dir es Vorbild... a de Grosse!

Di Grosse sy am Jufle
u di Grosse di hei Krach
sy duurend im ne Wettstryt
gä enang sogar uf ds Dach

Bi däm... wo mir vorläbe
chöi mir no lang ga säge

Mys Chind, gopfridstutz, muesch guet lose
machs de mal besser... als mir Grosse!

Zurück